相信大家细个嘅时候总会有一个心仪嘅卡通人物，女仔可能会钟意 Sanrio 入面嘅角色，男仔就可能因为 Marvel电影 而迷上咗佢地嘅英雄人物。作为粉丝，一定唔少得去收集以佢地为主题嘅用品，以下呢篇人气Marvel及卡通主题用品选购指南就岩哂想为屋企增添摆设或其他用品嘅你！作为礼物去送俾朋友都唔错㗎！

小王子

呢个经典故事係细个睇同大个再睇都会有唔同感受，入面更有唔少发人深省嘅金句。而以小王子为主题嘅摆设更非常受大家欢迎，圣诞礼物收到佢都会特别开心！

Line Friends

近年新兴嘅卡通角色非 Line Friends 莫属，呢个由韩国设计嘅卡通人物短短日子就俘虏咗唔少小朋友同大人嘅心。可爱嘅样貌加上盏鬼sticker，有时仲会同唔少名人推出合作单品，叫人点可能唔迷上佢呢？

Disney

无论大人定小朋友，Disney 一定係陪伴大家成长嘅卡通，唐老鸭、米奇老鼠、史迪仔都係至今十分受欢迎嘅卡通人物。有时係屋企都想营造迪士尼乐园开心嘅感觉？以下以Disney人物为主题嘅物品就岩哂你！

Marvel

对大部份男仔嚟讲，每逢 Marvel 有新电影上，都一定会带起一股热潮。由近期嘅黑豹至蜘蛛侠，甚至係復仇者联盟，每个角色都有一定嘅拥趸。而随住Marvel宇宙嘅发展，有啲角色都确定唔会再係电影回归，所以呢个时候收集以佢地为主题嘅用品就特别有记念价值。

Minions

相信有唔少人都係因为睇完佢地套电影而爱上 Minions，佢地係电影入面搞笑嘅形象加上特别嘅外貌，令唔少大人同小朋友单单望住佢地都忍唔住发笑。屋企放埋以佢地为主题嘅单品就更加欢乐喇！

Miffy

Miffy相关嘅产品係市面上都颇受欢迎，除咗外表可爱，有时啲配色都十分吸引，鲜艳嘅颜色绝对可以为单调屋企带嚟生机！

Sanrio

一提起 Sanrio，总有一个角色係你曾经迷上，甚至直到而家都依然钟意，如 Hello Kitty、玉桂狗，每个人物都有佢嘅捧场客，市面上更有十分多佢地嘅精品，款式白变，岩哂一众Sanrio忠粉！