2024家用健身设备选购指南及人气推荐
疫情期間想做運動可以點算？去Gym room又驚有太多人會增加傳染風險、又怕健身室因為疫情反覆而隨時暫停開放，搞到自己嘅健身大計遲遲都未落實到。眼見個肚腩愈來愈大，真係就嚟比個大肚腩「焫著」！唔使驚，豐澤幫你準備好一系列健身器材，協助你叫醒沉睡已久嘅肌肉，還原完美Summer Body迎接盛夏！一齊嚟睇吓在家運動嘅tips同埋有咩產品適合你啦！
(一) 在家運動Level Up!
好多人都以為喺屋企健身同做運動會令到效果大減，但其實只要你遵守以下原則，即使在家運動都可以令你事半功倍！
1. 即使喺屋企健身都要認真專注，開始做運動前將自己手機放遠啲！
2. 運動前記得要騰出足夠嘅運動空間。
3. 欲速則不達，千祈唔好貪快而每個鍛鍊都保持高強度運動，否則就好易受傷架啦！
(二) 運動前須知
1. 唔好喺太飽或者太餓時做運動
2. 要穿著舒適同合適嘅衣服同配戴合適裝備
3. 帶備足夠嘅水以補充水分嘅流失
4. 運動前後都要做五至十分鐘伸展運動
(三) 居家健身常見設備
家居健身器材有好多種類，阻力帶、啞鈴、壺鈴，都好適合喺屋企使用，除咗可以鍛鍊肌肉，甚至可以提升心肺功能！
▾啞鈴▾
啞鈴唔單止體積細便於收納，佢嘅功用仲有好多添！唔只可以練二頭肌、三頭肌，如果再加上一張健身椅，幾乎可以透過啞鈴練曬全身肌肉！所以有好多鍾意健身嘅朋友仔都會有一組啞鈴係屋企！對於初學者來講，除咗可以喺屋企邊睇電視、敷面膜舉啞鈴，輕鬆塑造身體曲線，絕對係入門必選！
▾阻力帶▾
阻力帶可以話係近幾年內最受歡迎嘅家居健身器材。係年初疫情爆發時，阻力帶甚至係運動用品連鎖店中第一款賣斷市嘅健身器材！阻力帶價格平又方便使用，而且多功能，其中最大嘅優點：啱曬女士使用！透過唔同密度同物料，令到阻力帶有唔同程度嘅阻力可供用家選擇。
▾懸吊式訓練器▾
用家可以隨意將呢個產品掛喺任何地方，例如安裝喺門框上面，甚至可以帶出街，掛係桿子進行肌肉訓練都得！你可以透過懸吊式訓練器鍛鍊肌群，包括手臂、雙腿、背部、核心等等。用家可以根據自己嘅健身目標同程度，增加或者降低運動時嘅難度！
▾健腹輪▾
健腹輪主要訓練腹部肌肉嘅運動產品。為咗避免受傷，係成個運動過程要收縮腹部，唔好將背部拱起。如果你係啱啱開始用健腹輪，可以善用牆壁做阻擋，以免運動時滑得太遠而造成意外。而作為健身愛好者嘅你就可以嘗試PowerBlock 嘅自動回彈智能健腹輪，智能芯片精確自動計算每一個來回及卡路里消耗量。長達2.3米遠程回彈距離，罷脫普通健腹輪嘅回彈範圍限制，增強拉伸效果，令用家嘅訓練更有效率！(細細聲講你知，佢仲係我地嘅熱賣產品添！)
▾跑步機及單車機▾
家用跑步機同單車機都提供一個比你足不出戶都可以跑同踩到夠曬喉嘅機會，唔使再受天氣影響而中止你嘅操肌大計啦！
(四) 懶人必備健肌儀
香港人工作繁忙，抽時間做運動係件十分困難嘅事，有時放工放學返到屋企都淨係想攤喺到，仲邊有力去做運動啊~無問題，以下推薦一系列瞓係到都可以增到肌嘅產品！
想一件產品有多個用途？即使帶出街做運動都可以輕鬆出行？以下呢兩樣便攜式全方位健身器就最適合你不過啦！專利DoubleFlex技術令你可以在1次訓練中進行2組運動，啱曬要追求「快狠準」嘅你！