要数香港人嘅娱乐，一定唔少得唱K，但疫情下，K房需要关闭，少左个地方但又好想尽情唱歌点算好？现时有好多唔同嘅唱K神器喺市面推出，以满足各位K歌之王嘅需求，就算係屋企都可以置身K房之中。即睇以下卡啦OK器材人气推介，一于安在家中唱返够本！

新手级

只需一个配备麦克风嘅手提式蓝牙喇叭，即集Mic同喇叭于一身，再连接具蓝牙功能嘅手机、平板电脑或电视，即可同家人/朋友一齐享受唱k嘅乐趣。有啲产品更具不同音效兼提供立体声，真係屋企都如K房啊！人气产品如Pure Acoustics嘅SingBar，体积细细，只有250x95x60mm，但总功率高达20W RMS，最大输出更有100W，加上两个高质素扬声器配与低音反射孔发出爆炸性3D立体声，并配有2支高保真UHF超动态无线麦克风，开mic后自动配对，随时随地都可以开个唱喇！而Monster嘅可携式唱K麦克风手提蓝牙喇叭更提供一键消除人声功能，喺Apple Music或者Spotify到拣好心水歌曲之后，就可以望住歌词大大声高歌啦！

专业级

如果想追求更好音质，入手soundbar或效能更高嘅喇叭会係一个不错选择。部分喇叭如Pure Acoustics嘅EdgeWater具独立音量控制，更可以插入高端电容式麦克风，面板更设有调教转钮，轻松调教低音及高音。而soundbar则齐备左中右声道，有啲更可以额外加配无线超低音喇叭，完善重低音音色，迎合唔同用家嘅需求。即睇人气soundbar选购指南了解更多！