屋企地方细，好多人都想买部厨房煮食电器可以集多功能於一身。无论系蒸煮丶烤焗丶炆炖丶烧烤等，都可以一机多用。但而家啲烹调电器越出越多，到底边款产品最啱你用？即睇以下选购攻略，当中分别介绍咗焗炉丶蒸焗炉丶水波炉！

焗炉丶蒸焗炉丶水波炉运作原理大解构

焗炉原理

家用焗炉，即系热风对流焗炉。一般采用发热线进行烤焗，同时内置风扇制造热风对流，令热力均匀喺焗炉内渗透，快速及均匀地烹调出多种美食。呢类焗炉温度最高可达 200°C 至 300°C。

蒸焗炉原理

蒸焗炉简单嚟讲就是「焗炉+蒸炉」。除咗有对流式焗炉功能，同时亦系一部蒸炉，底部发热盘嘅发热管透过通电而产生热能，使锅内嘅水快速转化成高温水蒸气来蒸熟食物。蒸焗炉仲可以同时使用蒸焗功能，制作多款食物。另外，蒸焗炉亦设有排气口，可以将热力及多馀蒸气排出。

水波炉原理

水波炉透过「过热水蒸气」技术，将水蒸气加热至 200°C 至 300°C，令其分子更细致，可以穿透食材并同时将热能带入食物中，达致快速加热丶烹调效果。当过热水蒸气嘅热能转移到食物内部时，内外嘅温差可以逼出食物嘅油脂同盐分，同时减少破坏食物嘅细胞壁，锁住食物内部嘅水分，保留食物嘅原汁原味丶口感和营养。与蒸焗炉相比，水波炉输出嘅蒸气温度更高。部份水波炉不但能微波，还有蒸丶煮丶烤丶炸丶煎丶炒等多样功能，一机多用。

焗炉丶蒸焗炉丶水波炉比较表

焗炉丶蒸焗炉丶水波炉选购要点

1. 存放空间

喺考虑厨房够唔够位置摆放焗炉时，用家亦要预留足够散热空间畀焗炉散热，机顶丶机背丶焗炉两边都需要同墙壁相隔一定距离，保持通风。选购蒸焗炉丶水波炉时也要留意排气口位置，避免通风不足而损害墙壁。焗炉附近亦唔可以摆放易燃物件，如窗帘丶塑胶丶纸张等。

2. 容量 / 层架数量

由於焗炉内嘅发热线会占去部份空间，用家喺选购焗炉应留意焗炉嘅实际容量。容量越大嘅焗炉耗电量通常会较多，预热时间亦较长。另外，焗炉层架数量可由 1 层至到 4 层不等。越多层架，煮食变化越多，更可以一次同时蒸煮多款菜式。

3. 温度

焗炉嘅温度选择越多，煮食方式越多元化。温度控制亦很重要，会直接影响食物卖相。如果炉内温度分布唔平均，出品嘅食物色泽会有差异。想知道焗炉嘅温度控制系咪准确稳定，可留意焗炉发热管嘅数量和热力丶有冇具备热风循环丶上下火力控制功能等等。

4. 儿童安全锁 / 冷门设计

食物煮好後，焗炉内外层嘅温度极高，特别系蒸焗炉。一不小心就容易喺打开焗炉 / 靠近炉身时容易被高温蒸气烫伤。如果屋企有小朋友，最好拣一个有安全锁嘅焗炉，可以防止小朋友唔小心启动电器，避免受伤。部份焗炉亦会设有冷门设计，采用门内风力降温方式或多层密封方式隔热，保护用家，避免烫伤。

5. 清洁功能

使用焗炉丶蒸焗炉丶水波炉後，食物嘅油脂容易残留喺烤箱入面。选购具备自动清洗功能嘅焗炉可以减轻负担，节省清洁时间。

(1) 催化内壁
利用催化壁嘅细孔表面将油脂吸走和氧化。当高温烤焗食物时，焗炉便会自动进行清洁。

(2) 热解清洁
透过顶层和底层嘅加热器将焗炉加热，利用热力分解烤箱内嘅油脂污垢，再变成细白色粉末。用家只需用湿布抺走粉末即可。

(3) 蒸气清洁
只需喺水箱注水，蒸焗炉便会加热，再使用蒸气清洁内部。用家只需抺走馀下嘅水分和食物残渣即可。

焗炉 - 烘焙烧烤必备

喜欢烘焙及烧烤食物嘅人选择焗炉就最适合不过。无论系适用多人家庭嘅大容量焗炉，定系用嚟烤鸡翼丶面包嘅迷你焗炉都有得拣。

蒸焗炉 - 蒸焗一体

蒸气煮食能够锁住天然味道与营养，减少食材氧化。蒸焗炉同时具有焗炉及蒸炉嘅功能，除咗蒸之外，亦能烘焗食物，甚至提供混合烹调模式，煮出更多好味道。另外，蒸焗炉容量可以高达 70 公升以上，可以同时用不同烹调方式制作多款食物，适合忙碌嘅香港人，亦适合厨房有较大空间并热爱不同煮食嘅顾客。

水波炉 - 低油少盐烹调

水波炉经常用嚟与蒸焗炉作比较，因为两者都同样同蒸气有关。但蒸焗炉一般没有水波炉嘅「过热水蒸气」技术及微波功能。水波炉嘅过热水蒸气喺高温状态下能轻易穿透食物，逼出食物自身油分，保留食物肉汁同鲜味之馀，仲可以减少吸收卡路里，系控制体重嘅烹调好帮手。

焗炉丶蒸焗炉丶水波炉常见问题

Q: 焗炉丶蒸焗炉丶水波炉有什麽不同？

A: 焗炉主要透过热风对流烹调食物；蒸焗炉则结合了蒸炉和焗炉功能；水波炉则利用过热水蒸气技术，达致低油少盐的烹调效果。

Q: 如何选购适合的焗炉丶蒸焗炉或水波炉？

A: 首先需考虑存放空间和使用需求，再留意容量丶温度控制丶安全功能及清洁便利性等因素，以决定最适合的选择。

Q: 焗炉丶蒸焗炉丶水波炉的使用方法有什麽不同？

A: 焗炉适合烘焙和烤焗食物；蒸焗炉除了蒸煮外，亦可进行焗炉功能；水波炉则适合利用高温过热水蒸气进行低油少盐烹调。

Q: 焗炉丶蒸焗炉丶水波炉在清洁方面有什麽特别之处？

A: 焗炉通常具备自动清洗功能如催化内壁或热解清洁；蒸焗炉则可利用蒸气清洁；而水波炉则需特别注意过热水蒸气的清洁方式。