好多人都鍾意喺屋企韓燒，食燒肉，飲啤酒！但往往最麻煩就係食完陣油煙味久久都未消散得到，仲要勁難抹乾淨。最近興起嘅新式無煙燒烤爐，到底解唔解決到呢個煩惱呢？而家人人追求健康飲食，究竟燒烤點先可以食得更健康？即睇以下選購指南。

無煙燒烤爐原理

無煙燒烤爐內置除煙裝置，設有吸油煙設計，兩側有吸風口，一路燒一路吸，配合底下嘅風機可以吸走油煙，烤盤有導油孔和凸起的波紋幫助排走油份，底部亦設有水盤儲存油份，故能做到無煙燒烤效果。各款無煙燒烤爐設計上亦有些區別，但一致目的都係能夠令油脂或湯汁唔會直接滴落火源或加熱器上，而這些家用無煙燒烤爐基本上體積都唔會好大，而且方便又即時亦無須擔心濃煙問題。

選購要點

1. 使用地點

燒烤爐主要分為插電式及瓦斯式兩種加熱方式，若在戶外使用，瓦斯式會比較適合。如果只在室內環境使用，兩種加熱方式均能適合，用家可按照個人喜好而選購方便使用款式。

2. 紅外線加熱

如果用家對味道有一定堅持的話，建議挑選紅外線式的無煙燒烤爐，因為紅外線加熱最能保留食物的原始風味，通過紅外線除了能將肉類徹底加熱之外，還能確保鮮美的肉汁不流失、輕鬆享受食材本身的美味。

3. 烤盤種類

市面上有各式各樣的烤盤，包括能集中過濾油脂的凹槽設計、做煎餅的平煎烤盤，若只想用來作燒肉的話，選擇一般烤盤便可。用家購買前可先思考用途及使用頻率。

4. 易於清洗

無煙燒烤爐能大大減低油煙產生，但使用時產生的油脂是無可避免的，因此選購一些可拆式烤盤能便於清洗。

燒烤食得健康小貼士

1. 自行醃肉

現成已醃的肉類脂肪及鹽分較高，建議使用天然醃料例如蒜頭加鹽，黑椒粒加喼汁，食起上嚟都一樣咁好味。

2. 薄搽蜜糖

營養師稱一茶匙的蜜糖已有20卡路里，燒烤時會不自覺攝取大量糖分。建議可以選擇薄搽蜜糖，或用水將蜜糖調稀，亦可選用市面上有的噴霧式蜜糖，以減低蜜糖攝取量。

3. 蔬菜水果

燒烤時不妨進食一些新鮮水果及蔬菜，因為它們含豐富維他命C，具備抗氧化功能，燒烤時亦同時可攝取足夠的營養。

4. 健康飲料

建議燒烤時宜多飲清水、低糖或無糖飲料、自製檸檬梳打水等，有助減少攝取糖分。