返工返到好夜先收工，第二日寧願晏啲起身就放棄食早餐，咁樣好唔健康架！而家只要你有一部廚師機，就可以慳返好多煮食時間喇！

好多人都會有個疑問，究竟買廚師機定普通攪拌機、麵包機好？麵包機做嘅麵糰一般好難起筋膜，做出嚟麵包口感比較差，做到嘅款式亦相對少！有心煮野食嘅您，一定要選擇廚師機，一機多用，功能全面，可以幫你更快、更輕鬆完成複雜嘅步驟。

一部機整到果汁、意粉、麵包，一定好過係出面買，至少確保冇化學添加劑、防腐劑，食落肚嘅野真小心啲好！　　

廚師機最主要用途包括打麵條、做麵團、打蛋、攪肉、榨汁、切絲甚至做雪糕。如果人手做又要搓麵粉、做麵糰，攪拌，時間難掌握，出嚟效果又麻麻。 用廚師機整個餐包只需要約15分鐘就得喇！

購買廚師機的注意事項

 

 

功率： 廚師機的工作原理係電機帶動齒輪轉動傳送攪拌力，它決定機器帶動麵糰的能力、持續攪拌的時間、揉面的效果等。基本嚟講，功率大的話係各方面表現都會較好，功率太小的話有機會效果不足，不過太大的亦會產生噪音。　

容量： 一般普通家庭用4-6L已經足夠，可以一次做2個大麵包。

重量: 廚師機用金屬底座，重量固然會大，只有夠重先能夠係攪拌食物時候更穩定，唔會出現搖晃情況。如果廚師機太輕，分分鐘打雞蛋時飛咗隻蛋出嚟呀！

噪音: 功率越大嘅廚師機，噪音相對會愈大，不過都係可以忍受範圍內，現時有些廚師機會附帶靜音功能。　

配件: 配件齊全功能更廣，其中比較重要係決定基礎功能的攪拌棒，材質上最好是合金，結實耐造。除咗基本配件，亦可以加購額外配件，令廚師機可以變身成為雪糕機、攪肉機、意粉機等。

市面上咁多部廚房機，點揀好？

 

1) KitchenAid

美國品牌，全線產品都係全金屬機身、低功率、噪音小。

最常用嘅兩款就係抬頭式及升降式。抬頭式取攪拌頭的時候要先打開按扣把機器頭抬起來，而升降式只需搖動把手，把碗降下來便可。

優點：容量4.8L，功率 300W，雖然不算大，但應付一般家庭足夠，而且噪音比較小。功能上採用 6 根金屬槳的攪拌棒，始創行星式攪拌軌跡，10 檔速度可調節，完成能滿足不同食物的攪拌製作。

缺點：容量和功率不太大，不能滿足大量的攪拌需求

2) Kenwood

英國品牌，早期出名就正正因為廚師機的誕生。　

優點：有些廚師機容量達到 6.7L及1000W，能夠滿足多人聚會，適合大家庭使用，大功率亦大大能高工作效率。

缺點：功率大，噪音有機會較大

3) Bosch

有德國小家電王之稱，價錢上會較相宜。

優點：小容量大功率，能夠應付不同食材。

缺點：有些廚師機為塑料機身，缺乏質感。

4) 其他品牌 (Ariete, Beaba, Cuisinart, Smeg, Swan)

優點：Cuisinart具有防噴濺保護，避免食物油漬噴出。Smeg及Swan功率大，省時省力。

缺點：功率大，噪音有機會較大