屋企地方細，好多人都想買部廚房煮食電器可以集多功能於一身。無論係蒸煮、烤焗、炆燉、燒烤等，都可以一機多用。但而家啲烹調電器越出越多，到底邊款產品最啱你用？即睇以下選購攻略，當中分別介紹咗焗爐、蒸焗爐、水波爐！

焗爐、蒸焗爐、水波爐運作原理大解構

焗爐原理

家用焗爐，即係熱風對流焗爐。一般採用發熱線進行烤焗，同時內置風扇製造熱風對流，令熱力均勻喺焗爐內滲透，快速及均勻地烹調出多種美食。呢類焗爐溫度最高可達 200°C 至 300°C。

蒸焗爐原理

蒸焗爐簡單嚟講就是「焗爐+蒸爐」。除咗有對流式焗爐功能，同時亦係一部蒸爐，底部發熱盤嘅發熱管透過通電而產生熱能，使鍋內嘅水快速轉化成高溫水蒸氣來蒸熟食物。蒸焗爐仲可以同時使用蒸焗功能，製作多款食物。另外，蒸焗爐亦設有排氣口，可以將熱力及多餘蒸氣排出。

水波爐原理

水波爐透過「過熱水蒸氣」技術，將水蒸氣加熱至 200°C 至 300°C，令其分子更細緻，可以穿透食材並同時將熱能帶入食物中，達致快速加熱、烹調效果。當過熱水蒸氣嘅熱能轉移到食物內部時，內外嘅溫差可以逼出食物嘅油脂同鹽分，同時減少破壞食物嘅細胞壁，鎖住食物內部嘅水分，保留食物嘅原汁原味、口感和營養。與蒸焗爐相比，水波爐輸出嘅蒸氣溫度更高。部份水波爐不但能微波，還有蒸、煮、烤、炸、煎、炒等多樣功能，一機多用。

焗爐、蒸焗爐、水波爐選購要點

1. 存放空間

喺考慮廚房夠唔夠位置擺放焗爐時，用家亦要預留足夠散熱空間畀焗爐散熱，機頂、機背、焗爐兩邊都需要同牆壁相隔一定距離，保持通風。選購蒸焗爐、水波爐時也要留意排氣口位置，避免通風不足而損害牆壁。焗爐附近亦唔可以擺放易燃物件，如窗簾、塑膠、紙張等。

2. 容量 / 層架數量

由於焗爐內嘅發熱線會佔去部份空間，用家喺選購焗爐應留意焗爐嘅實際容量。容量越大嘅焗爐耗電量通常會較多，預熱時間亦較長。另外，焗爐層架數量可由 1 層至到 4 層不等。越多層架，煮食變化越多，更可以一次同時蒸煮多款菜式。

3. 溫度

焗爐嘅溫度選擇越多，煮食方式越多元化。溫度控制亦很重要，會直接影響食物賣相。如果爐內溫度分佈唔平均，出品嘅食物色澤會有差異。想知道焗爐嘅溫度控制係咪準確穩定，可留意焗爐發熱管嘅數量和熱力、有冇具備熱風循環、上下火力控制功能等等。

4. 兒童安全鎖 / 冷門設計

食物煮好後，焗爐內外層嘅溫度極高，特别係蒸焗爐。一不小心就容易喺打開焗爐 / 靠近爐身時容易被高溫蒸氣燙傷。如果屋企有小朋友，最好揀一個有安全鎖嘅焗爐，可以防止小朋友唔小心啟動電器，避免受傷。部份焗爐亦會設有冷門設計，採用門內風力降溫方式或多層密封方式隔熱，保護用家，避免燙傷。

5. 清潔功能

使用焗爐、蒸焗爐、水波爐後，食物嘅油脂容易殘留喺烤箱入面。選購具備自動清洗功能嘅焗爐可以減輕負擔，節省清潔時間。

(1) 催化內壁
利用催化壁嘅細孔表面將油脂吸走和氧化。當高溫烤焗食物時，焗爐便會自動進行清潔。

(2) 熱解清潔
透過頂層和底層嘅加熱器將焗爐加熱，利用熱力分解烤箱內嘅油脂污垢，再變成細白色粉末。用家只需用濕布抺走粉末即可。

(3) 蒸氣清潔
只需喺水箱注水，蒸焗爐便會加熱，再使用蒸氣清潔內部。用家只需抺走餘下嘅水分和食物殘渣即可。

焗爐 - 烘焙燒烤必備

喜歡烘焙及燒烤食物嘅人選擇焗爐就最適合不過。無論係適用多人家庭嘅大容量焗爐，定係用嚟烤雞翼、麵包嘅迷你焗爐都有得揀。

蒸焗爐 - 蒸焗一體

蒸氣煮食能夠鎖住天然味道與營養，減少食材氧化。蒸焗爐同時具有焗爐及蒸爐嘅功能，除咗蒸之外，亦能烘焗食物，甚至提供混合烹調模式，煮出更多好味道。另外，蒸焗爐容量可以高達 70 公升以上，可以同時用不同烹調方式製作多款食物，適合忙碌嘅香港人，亦適合廚房有較大空間並熱愛不同煮食嘅顧客。

水波爐 - 低油少鹽烹調

水波爐經常用嚟與蒸焗爐作比較，因為兩者都同樣同蒸氣有關。但蒸焗爐一般沒有水波爐嘅「過熱水蒸氣」技術及微波功能。水波爐嘅過熱水蒸氣喺高溫狀態下能輕易穿透食物，逼出食物自身油分，保留食物肉汁同鮮味之餘，仲可以減少吸收卡路里，係控制體重嘅烹調好幫手。

焗爐、蒸焗爐、水波爐常見問題

Q: 焗爐、蒸焗爐、水波爐有什麼不同？

A: 焗爐主要透過熱風對流烹調食物；蒸焗爐則結合了蒸爐和焗爐功能；水波爐則利用過熱水蒸氣技術，達致低油少鹽的烹調效果。

Q: 如何選購適合的焗爐、蒸焗爐或水波爐？

A: 首先需考慮存放空間和使用需求，再留意容量、溫度控制、安全功能及清潔便利性等因素，以決定最適合的選擇。

Q: 焗爐、蒸焗爐、水波爐的使用方法有什麼不同？

A: 焗爐適合烘焙和烤焗食物；蒸焗爐除了蒸煮外，亦可進行焗爐功能；水波爐則適合利用高溫過熱水蒸氣進行低油少鹽烹調。

Q: 焗爐、蒸焗爐、水波爐在清潔方面有什麼特別之處？

A: 焗爐通常具備自動清洗功能如催化內壁或熱解清潔；蒸焗爐則可利用蒸氣清潔；而水波爐則需特別注意過熱水蒸氣的清潔方式。

Q: 如何確保焗爐使用安全？

A: 選購時應考慮是否具備兒童安全鎖及冷門設計，避免小孩意外操作及防止燙傷。